Nestes tempos de cambio na normativa educativa e de análise de resultados de estudios como PISA e as avaliacións de diagnóstico, de tantas opinións diferentes sobre cómo reforzar a motivación do alumnado e aumentar o seu interese por aprender, coñecer outras formas de aprender dentro da aula pode supoñer unha alternativa interesante para o profesorado.
Se ademais, estas alternativas van ligadas á educación en valores, ó traballo cooperativo e ó desenvolvemento de accións de servizo á comunidade, así como a intervención dos propios alumnos na solución a de conflitos (alumnado axudante), vemos que nunha mesma actividade aglutinamos distintos frontes da acción educativa que se están a mostrar como vías poderosas para avanzar no ensino formal e na formación persoal dos alumnos.
Por esta razón, presentamos ó profesorado tres iniciativas distintas que se están a desenvolver en centros do territorio nacional: Alumnado axudante, Aprendizaxe cooperativa e Aprendizaxe e Servizo.
A Aprendizaxe Cooperativa é unha metodoloxía de traballo que busca mellorar o rendemento académico de todos os estudantes, promovendo aprendizaxes de mellor calidade, ó tempo que contribúe ó seu desenvolvemento persoal e social.
Os estudantes traballan en grupos pequenos nos que se estrutura pormenorizadamente a forma en que teñen que cooperar.
Os seus resultados teñen sido estudados e valorados moi positivamente tanto no desenvolvemento académico como persoal e social dos estudantes.
O alumnado axudante é unha figura que favorece a integración e as relacións no centro, porque de forma espontánea pasan a ser membros activos e comprometidos coa convivencia, resolvendo e previndo os conflitos, acompañando ós compañeiros que teñen algún problema (académicos, persoais ou de relación) e dinamizando actividades non académicas. Este liderado pro-activo favorece o modelado positivo, a participación e o bo clima do centro xa que senta as bases do diálogo e da colaboración entre iguais.
Pola súa parte, a Aprendizaxe e Servizo é unha metodoloxía de traballo na aula que facilita a aprendizaxe dos contidos que se imparten nas diferentes materias a través da realización dun servizo solidario no entorno do centro educativo. O servizo solidario realiza se con entidades locais, planifican se as tarefas que se van a realizan co alumnado e na clase se vinculan as aprendizaxes coa realización dese servizo. A APS conta cunha serie de procesos nos que se busca o protagonismo do alumnado, que comezan coa planificación e terminan coa celebración e difusión da experiencia.
Obxectivos
1. Educar na tolerancia, a solidariedade e a solución pacífica de conflitos.
2. Converter as situacións conflitivas que se viven diariamente na aula e no centro en oportunidades de aprendizaxe.
3. Mellorar o clima de traballo na aula con iniciativas diferentes.
4. Coñecer estratexias para afrontar a disrupción e as condutas contrarias á convivencia.
5. Presentar e coñecer de cerca o traballo cooperativo .